Чамайг бодох үед чи яг яадаг вэ?

Чамайг санах үед бас чи яадаг вэ?

Чамайг үгүйлэх мөч чамд хэрхэн мэдрэгддэг бол?

Чамайг төсөөлөхөд яг над шиг төсөөлдөг үү?

Шинэ дэвтэр эхлэхээс эмээж 

Шинэ дурлал мэдрэхээс ч айх 

Шивнээ үгнээс ч эмзэгзэж 

Шинэхэн танилаас ч утга учир хайх 

Шийдвэргүй төвөгтэй үе вэ

Цээжний гүнд  нэг ганцаардал 

Цэх суугаач гэж намайг зэмэлнэ   

Чамаас би хариу нэхэхгүй ч 

Чимээгүйхэн дотроо хүлээнэ

Чиний инээмсэглэл,

Чиний үнэр бүгд сэтгэлд шингэж

Чамайг гэх дурсамжийг надад үлдээж 

Дараа нь, дараа нь уулах нэг орон зайг үлдээжээ.  

    

  

Эргээд харахад чинь би таниагүй юм шиг царайлсан 

Эмзэг зүрх минь цээж дүүрэн буцалж 

Эрээн цамцнаас чинь харцаа бууруулж 

Эрхгүй буцаад алхсан 

Чи байсан, чи байна, чи байсаар ч байна. 

Гэнэн тэнэг, хэрэггүй, санамсаргүй алдаануудаа цуглуулж 

Хорин жилийн дараа ганцаараа дурсан жуумалзах гэж

Гунигтай үеэ өнгөлөн далдалж 

Хоромхон мөчид  ч сэтгэл дүүрэн байх гэж 

Хийсэн байх

Гарыг чинь атгахад зөөлөн байсан 

Уруулыг чинь үнсэхэд танил санагдсан

Ярилцах харин ганцаардмал мэдрэгдсэн 

Яг л над шиг