Чи танил мэдрэмж

Чи тухай бодол зүгээр л танил мэдрэмж. 

Тархи минь өөрөөр сэтгэх энергигүй болсондоо

Танил царайг чинь үгүйлж тавгүйтэж байна 

Энэ олон жил болсон танил мэдрэмж

Эхлээд түүнийг дараа нь чамайг 

Эцэс төгсгөлгүй хүлээлтэнд үлдээж

Эхлэл нь олдохгүй төсөөлөлд умбуулж 

Тавтиргүй зүрхийг минь булгилуулж 

Таван хоромч зүгээр суулгахгүй байна

Чиний тухай төсөөлөл ч танил мэдрэмж, 

Тархинд минь хэдийн үүссэн орон зай

Чи танил мэдрэмж

Чи дотно мэдрэмж

Чи зүгээр л мэдрэмж 

Чи хэсэг хормын төдийд үгүй болох мэдрэмж 

Тийм ээ чи миний танил мэдрэмж

Өөр юу ч биш, гээд хуруу минь цэг дээр дарахыг хүсэвч таслал дээр дарагдах 

Тиймээ чи ийм л танил мэдрэмж 

Би харсан уу? Чи харагдсан уу

Зүрх савалж, бие бадайрсан хүчтэй мэдрэмж хэсэг зуур 

Сэтгэл зүсэж, итгэл төрсөн зөн совинтой хамт зурсхийхэд 

Зугатаахыг хүссэн дахиад л  өөрөөсөө

Салгалалт нь гэхдээ хэсэгхэн ч гэсэн гоё байсан яг л 10 жилийн жаахан охин шиг

 

Би чамайг тархиндаа бүтээсэн

Бүтээчихээд удаан гэгч нь ширтсэн 

Тэгээд

Нүдийг чинь бус харцыг чинь

Уруулыг чинь бус үнсэлтийг чинь үгүйлж

Нүдээ аниад төсөөлсөн

Төсөөлөхдөө чамайг бүтээж 

Намайг яаж харахыг 

Намайг яаж үнсэхийг би заасан

Чи сайн сурсан

Би чамайг зүрхэндээ бүтээсэн

Бүтээчихээд нэг хэсэг хүлээсэн

Тэгээд

Уруул давах үгсийг чинь 

Халуунаар төөнөх гарыг чинь үгүйлж 

Нүдээ аниад төсөөлсөн

 

Төсөөлөхдөө чамайг бүтээж

Надад юу гэж хэлэхийг чинь 

Надад яаж хүрэхийг чинь би заасан 

Чи сайн сурсан

Чамайг бүтээсэн гар, уруул, харцыг ...

 Дахиад л цээж урсан, тархи задалсан, сэтгэл шархирсан мэдрэмж хэзээ чи надаас явах юм бэ?  

Тэр миний нүдрүү харсан

Тэгээд уруулыг минь харсан

Тэр миний хүзүүг харсан

Тэгээд хачин чимээгүй нүдээр ахиад л нүдрүү харсан

Гадуур хүмүүс яваад л юуг ч юм ярилцаад л 

Хүрч болом тийм доогуур онгоц нисээд л 

Хачин юм шүү бүх юм хөдөлж байхад бид хоёр л хөшчихсөн

Ганц хором тэгэхэд зуун жил шиг сунасан

Гарцаагүй зуун жил би түүнтэй хамт байсан

Түүний шүргэлт түүний үнсэлт, түүний тэврэлтэд дуртайгаа 

Түүний харц, түүний цоргилт, түүний нам гүмээс мэдэрсэн

Тэр нүд рүү харсан хараад л байсан, хараад л байсан

Тэр харсан миний нүдрүү, надруу

Түүний харцыг чөлөөлье, гашуудалтай

 

 Хорт хавдарын өвдөлт сэтгэлийн шархиралтаас хэр байдаг бол?

Чөлөөлөгдсөн мэдрэмж чинь ийм гашуудалтай байдаг гэж үү?

Ямар шударга бус юм бэ, тийм удаан хүлээчихээд

Тэгээд энэ чинь ЧӨЛӨӨЛӨЛТ мөн үү, гэж эргэж асуугаад

Тархи нь ТИЙМ гээд гүрийгээд

Зүрх нь ҮГҮЙ гэж мэлзээд 

ТИЙМ, ҮГҮЙ 2 тэрсэлдэхийг ажаад

Тайван гэгч нь "Хөгжилтэй ч юмуудаа" гэж санаашрангүй  хэлэх хэн нэгэн

Чамайг санаад, сэтгэл шимшрээд 

Санасныгаа тэвчээд

Тэвчсэнээ тэсгэл алдаад 

Алдуурсан сэтгэлээр хаа сайгүй тэнээд  

Болзоход 

Бодлоо цэгцэлмээр бодогдсон 

Орооцолдсон олон жилийн төсөөллийг 

Ор тас мартахыг хүссэн

Уулзахад 

Удаан хамт баймаар санагдсан

Уруул чинь уруул шүргэхэд

Учиргүй тэврээд авмаар санагдсан. 

Гэвч дахид нөгөө тэвчээр, 

Шүдээ тас зуун ҮГҮЙ гэсэн