Би чамайг тархиндаа бүтээсэн

Бүтээчихээд удаан гэгч нь ширтсэн 

Тэгээд

Нүдийг чинь бус харцыг чинь

Уруулыг чинь бус үнсэлтийг чинь үгүйлж

Нүдээ аниад төсөөлсөн

Төсөөлөхдөө чамайг бүтээж 

Намайг яаж харахыг 

Намайг яаж үнсэхийг би заасан

Чи сайн сурсан

Би чамайг зүрхэндээ бүтээсэн

Бүтээчихээд нэг хэсэг хүлээсэн

Тэгээд

Уруул давах үгсийг чинь 

Халуунаар төөнөх гарыг чинь үгүйлж 

Нүдээ аниад төсөөлсөн

 

Төсөөлөхдөө чамайг бүтээж

Надад юу гэж хэлэхийг чинь 

Надад яаж хүрэхийг чинь би заасан 

Чи сайн сурсан

Чамайг бүтээсэн гар, уруул, харцыг ...