Чамайгаа өөрчлөхгүйгээр би Жаргалтай хайрлаж амьдрана... ня няняняняняня няня

Сонсоход гоё үгс
Төсөөлөн, мөрөөдөхөд улам л гоё болох үгс
Харин амьдралд тэвчээр алдуулах үгс
Хашгирч дэвхцэж орилмоор
Хачин муухай үгс
Яаж ч боломгүй үгс
Ямар сонин үгс
Дуунд байдаг юм бэ

Бүүр туйлдаж гүйцлээ. Яах ч ёсгүй зүйлсийг бодсоор байгаад
Яагаад би ийм хөгийн улцан арчаагүй юм бол? Яагаад бүхнийг орхиод явчихаж чаддаггүйн бол...

Бол бол бол бол бол бол түмэн бол бол цаашид ч түм түмэн бол бол бол хөвөрнө дөө. 

Урьд шөнөжин чамайг зүүдэллээ
Урвашгүй сэтгэл минь намайг зовоож
Унтахдаа хүртэл  хүссэн юм болов уу гэж
Удаан гэгч нь бодлоо

Мартчихсаан  гэж өөртөө итгүүлсэн ч
Маргаж  зүүдэнд минь чи ирлээ
Маргааш өдөр гэгээтэй болно доо гэсэн ч
Манан дундаа байж л байхыг сэтгэл минь хүсчээ

Мартах гэж оролдох бүрт  чи зүүдэнд минь ирэх юм

Өмнө ч бас шөнөжин зүүдлээд хоносон
Өөр нэг зүйл хэлэх гээд ч байх шиг санагдсан
Тэр чинь юу юм? асуухад

Харчихаасай намайг  гэж бодон
Хашааны чинь дэргэдүүр өнгөрч явах юм
Хаа холоос чи нэрээр минь дуудахад
Хачин ихээр догдлоод эргээд би  харж байна

Ахыгаа дагуулан ирж тайлбарлуулах гээд
Тэгээд яалаа даа мартчихжээ, тухайн үед бичээд дуусгаж чадалгүй хадгалчихаж, нээрэн л нэг тийм юм болж байсныг санаж байна. Гэвч одоо сэтгэл ерөөсөө догдлохгүй байгаа болохоор үргэлжлүүлж  чадахгүй энэ хэвээр нь нийтлэхээр боллоо.

Таалагдах гэж хүлээх
Тайтгаруулах гэж аяглах
Албагүй

Гуниг
Гомдол
Гутрал
Уйтгар
Уур хилэн
Уйлалдаан
Цөхрөл

Олон олон нойргүй шөнө
Мэлэрнэ
Олон олон гунигтай өдөр
Мэлмэрүүлнэ
Нулимсаар гуниг урсана
Урсахдаа
Үерлэнэ

Бодол
Тэнүүчлэнэ төөрнө
Тогтож ядна

Эрх чөлөө

Эрх чөлөө, ЭРХ чөлөө, эрх ЧӨЛӨӨ... чамайг би яаж мэдэрмээр юм.

Хайр нь хичнээн их, халамж нь ямар ил гээч
Сэтгэл нь хичнээн давчуу, гар нь ямар хатуу гээч... Нэг тийм, ...,  үг олдохооргүй...

Унтах тусам
Унтаад
Унтаад
Унтаад л
Мөрөөдөх тусам
Мөрөөдөөд
Мөрөөдөөд
Мөрөөдөөд л
Суух тусам
Суугаад
Суугаад
Суугаад л
Унтаад
Мөрөөдөөд
Суугаад л 

Чи миний зүрхийг үргэлж дүүргэдэг

Чи миний сэтгэлийг байнга сэргээдэг
Чи миний бодлыг тогтмол эзэмддэг ч 
Чамайг хэн гэдгийг би огт мэддэггүй 

Шинэ дэвтэр эхлэх бүрт амьдрал шинээр эхлэх мэт нэг л сайхан хөнгөхөн...
Энэ дэвтэр дүүртэл чиний тухай бичье гэтэл БӨӨН АЙДАС, зүгээр л энэдээ л чамтай хамт амьдармаар санагдах мэдрэмж...

Гарыг минь гавалчихсан
Биеийг минь гинжилчихсэн
Бодлыг минь барьчихсан
Хүсэхийг минь хорьчихсон

Ганцаардахыг минь ч тэвчихгүй
Чи ер нь...

Бүсгүй хүлээнэ, ганцаардана, шанална. Залуу гэвч таг чиг... Бүсгүй залууруу утсаар ярих шалтаг хайсаар олон олон хов хоосон өдрүүдийг өнгөрүүлж байтал аз болоход төрсөн өдөр нь болов... Өөрийн утаснаасаа залгах гэсэн ч зориг нь хүрэлгүй ажлын өрөөний утсаар ярих санаатай харилцуураа авахад зүрх нь хүчтэй цохилно. 990..... дийд дийд, Байна уу? Сайн уу? Би байнааа, Төрсөн өдрийн мэнд хүргэе?... Их хүлээснийх үү? эсвэл үнэхээр тэр ч бас догдолсон байна уу? Нэг л тийм хөөрсөн ч юм шиг дуу,  сонсоод л сэтгэл нь догдолсон ч төдхөн бамбайгаа буулгалгүй Баяртай гэж хэлж амжив.

Бороо чи

Бороо чи оролгүй хичнээн удав
Бодол болон чамайг хүлээнээ... гэснээс
Нээх сайхан бороо ороосой,
Чиний үнэрийг үнэртэлгүй хичнээн ч удав
Чийгний үнэртэй чи минь хамт ирдэгсэн
Чамгүй олон олон өдрүүд
Чаралмаар халуун, шороон шуургатай өнгөрсөөр

Чамайг бодох үед би догдлохгүй байна
Чамайг ярихгүй удах үед би хүлээхгүй байна
Чамтай хамт байгаагаар ирээдүйгээ төсөөлж чадахгүй байна
Чи сэтгэлийг минь хөдөлгөхөө больчихжээ

Хэн нэгний хувьд
Хэн ч биш байх нь
Хариу нэхэх өргүй үлдэх
Харин ч нэг аятайхан юм
Нэг удаагийн хэрэглээний
Нэргүй цаасан аяга шиг
Намайг гэх сэтгэл
Нэмж чамаас гарахгүй аятайхан

Чиний тухай бодол
Янжуурын утаа шиг
Ямар ч хэлбэр дүрсгүй суунаглаад
Цэвэр агаарт гарахдаа
Үлдэх зүйл юу ч үгүй
Уусан одох шиг...

Миний сэтгэл чамд хүрэхгүй байна. Чи тийм уусамтгай биш юм уу? Харамсаж байна, бас хэцүү санагдаж байна. Зүгээр л өөрөө өөртөө хайрлаад харамлаад явах байж тийм үү?
Бас л тийм үү? ийм үү? гэх мянган асуултын жагсаалт хөврөөд эхэлчихэж Яагаад намайг ингэтэл тэвчээр алдуулдаг юм бэ?

Чиний тухай бодол
Янжуурын утаа шиг суунаглаад
Хоромхон зуурт
Замхран одох юм

Тодрох гэж байгаам болов уу
Яагаад үргэлж ийм сонин байдаг юм бол
Энгийн хүн шиг яагаад байж чаддаггүйн бол
Үргэлж л ямар нэг зүйл дутсан юм шиг мэдрэмж

Би
Уйтгартай
Уйдамтгай
Хэнэггүй
Хээгүй
Дураараа
Дурламтгай
Залхмтгай
Замбараагүй
Худалч
Хуурамч
Дүр эсгэгч
Дагалдан баясагч

Яг  тэр л богинохон хормын төлөө
Би амьдарч байсан
Яг тэр л халуухан үнсэлтийн төлөө
Би амьд явж байсан
Яг тэр л  халамж, хайр, энхрийлэлийн төлөө
Би амьсгалж байсан
Чиний хэлсэн, миний сонсохыг хүссэн үгсийн төлөө
Би амилж байсан

Дуугүй байх минь чамд таалагдахгүй байна гэл үү?
Даруухан төрхөнд минь л хууртаж гэрлэсэн гэл үү?
Дурлалгүй өдийг хүртэл явлаа гэж намайг зэмлэв үү?
Даанч чамд минь сонирхол татах зүйл алга амраг минь

Тэгээд ч 

Ам хуурайгүй чалчиж би чадахгүй
Амтгүй хэдэн үг чулуудах ч хүсэлгүй
Өөр надаас чи юу хүсээв
Өмнө чинь би байгаагаараа л байна

Миний хүслээс ангид чи намайг эзэмдэж чаддаг бус уу?
Маргааш гэдэг өдрийг бодохоос ч айдаг  надад
Маргаангүй заавал ийм л байх ёстой гэж итгүүлдэг бус уу?
Махан бие минь угаасаа л чинийх шүү дээ хонгор минь

Сэтгэлээс чинь гараагүй үг
Сэтгэлд минь хүрэхгүй байна

Өөр надаас юу хүсээв
Өмнө чинь би байгаагаараа л байна

Зүүдэндээ нэрийг чинь дуудчихвий гэсэндээ
Унтахаасаа ч айдаг
Цочсондоо хочоор чинь уулга алдчихвий гэсэндээ
Сэрэмжтэй алхдаг
Согтуудаа чамайг санасан шаналалаа гаргачихвий гэсэндээ
Архи ч уудаггүй

Чи миний нууцхан
Гомдол
Гуниг
Ганцаардал

Амьтад хүртэл дурлалцдаг байтал

Бичих л ёстой болоод бичиж байна уу? Тайвширахын тулд бичиж байна уу? Блогоо дүүргэж чамд үзүүлэх гэж бичиж байна уу?  Яах гэж бичээд байгаа юм бэ? Бичснээрээ үнэхээр өөрлүүгээ өнгийж чадаж байна уу? Амьдралд чинь өөрчлөлт орж байна уу?  Сэтгэл тайширч амар амгалан болж байна уу?

Хариулаач надад
Хөлдүү сэтгэл минь

Хайр юм уу?
Дассан сэтгэл юм уу?
Мартагдаагүй дурсамж юм уу?

Чи миний амьдралын
Богинохон шүлэг бас
Богинохон хөөрөл
Богинохон саатал
Богинохон  дурсамж

Чи миний амьдралын
Өчүүхэн дурсамж бас
Өчүүхэн эргэлзээ
Өчүүхэн гуниг
Өчүүхэн шүлэг